कनकाई अनलाईन
माघ १७, २०७६ भद्रपुर स् आफ्नै घरभित्र एक महिला जलेको अवस्थामा मृत फेला परेको छ। झापाको बाह्रदशी गाउँपालिका १ बस्ने ६० वर्षीया तलामयी मणि जलेको अवस्थामा मृत फेला परेको प्रहरी कार्यालय झापाका प्रहरी उपरीक्षक कृष्ण कोइरालाले जानकारी दिए।
महिला मणि जलेको अवस्थामा घरभित्र फेला परेको भन्दै स्थानीयले प्रहरीलाई खबर गरेका थिए। उनको मृत्युको कारण भने खुल्न नसकेको प्रहरीले जनाएको छ। यता प्रहरी कार्यालय झापाबाट खटिएका प्रहरी टोली घटनास्थल पुगेर मृतकको कानुनी प्रक्रिया पूरा गरी शव परीक्षणको लागि मेची अस्पताल भद्रपुर पठाएको जनाइएको छ।
