कनकाई अनलाईन
कनकाई नगरपालिकाको राजधानी मानिने वार्ड कनकाई ३ नम्बर वार्ड आजदेखि आफ्नै वडामा सरेको छ ।
सुरुङ्गा टप्पुमा रहेको सो वार्ड कार्यालय साविकको सुरुङ्गा गाविस कार्यालय भवनमा सरेको हो । कनकाई नगरपालिकाका प्रमुख राजेन्द्रकुमार पोखरेल र उपप्रमुख मन्जु प्रसाईले रिवन काटी वार्डकार्यालयको उद्घाटन गर्नुभयो । कार्याक्रममा बोल्दै मेयर पोखरेलले सरकारले गाउँघरमै सरकार पुगेको आभाष दिलाउन सम्बन्धित वार्डमै वार्ड कार्यालय लगिएको बताउनुभयो । जनतालाई यसबाट काम कार्वाह ीगर्न सहज बन्ने विश्वास पोखरेलले व्याक्त गर्नुभयो । कार्यक्रममा बोल्दै उपप्रमुख प्रसाईले अव जनताको काम कर्मचारीले समेत मुस्कानसहि तगर्दै जिम्मेवार कर्मचारीको भुमिका निर्वाह गर्न अनुरोध गर्नुभयो ।

कार्यक्रममा वडानम्बर ४ का वार्डध्यक्ष गोविन्दप्रसाद पौड्याल, राप्रपा नेपालका अध्यक्ष ज्योतीकुमार उप्रेती, जेष्ठ नागरिक समाजका अध्यक्ष पुण्यप्रसाद बाह्रकोटी लगायातले आआफ्नो धारणा राख्नुभएको थियो । परिषद सदस्य युवराज चम्लगाईको स्वागत छवि थपलियाको संचालन रहेको कार्याक्रम वार्डअध्यक्ष रुद्रप्रसाद चिमरियाको सभापतित्वमा भएको थियो । यसैविच नगरप्रमुख पोखरेलले वार्डध्यक्ष चिमरियालाई अध्यक्षको कुर्सीमा राखेर पदभार ग्रहणको सुभारम्भ समेत गराउनुभएको थियो ।
फोटो ः पदभार ग्रहण गराउदै नगरप्रमुख पोखरेल ः रोहित कोइराला÷कनकाई अनलाईन