कनकाई अनलाईन
झापाको कनकाई नगरपालिका २ जामुनवारी सामुदायिक वन हाताभित्र गत फागुन २८ गते हात्तीको आक्रमणबाट मारिएका ओमनाथ खनाललाई नेपाल सरकारले १० लाख रुपैँया हस्तानतरण गरेको छ ।
आज जामुनवारी सामुदायिक वन तथा जामुनखाडी सिमसार तथा पर्यटकिय स्थलको २४ औ साधरणसभाको अवशर पारेर प्रदेश सांसद हिराकुमार थापा र डिजिजन वन कार्यालयाका झापाका प्रमुख विष्णु घिमिरेले सो रकम मृतककी श्रीमती अम्बिकादेवि खनाललाई हस्तानतरण गर्नुभएको हो । यस अघि ५० हजार खनाल परिवारलाई दिइसकिएकोले हाल ९ लाख ५० हजार रुपैँया प्रदान गरिएको घिमिरेले बताउनुभयो । खनालको जंगलमा घाँस काट्न जाने क्रममा जंगली हात्तीको आक्रमणबाट मृत्यु भएको थियो ।
