कनकाई अनलाईन
सुरुङ्गा , वैशाख २५ गते । १५६ औ अन्तराष्ट्रिय रेडक्रस दिवशको अवशर पारेर रेडक्रस सोसाईटी सुरुङ्गाको आयोजनामा भएको रक्तदान कार्यक्रममा १०९ जनाले रक्तदान गरेका छन ।
सुरुङ्गा बजारमा भएको रक्तदानको आयोजना नेपाल रेडक्रस सोसाइटी उपसाखा सुरुङ्गाले गरेको थियो भने सहआयोजकका रुपमा यस क्षेत्रका जेसिज ,कनकाई बहुमुखी क्याम्पस , युनिक कलेज , रेलिमाई युवा क्लव , ज्ञानज्योती युवा क्लव , सुरुङ्गा सहकार्य युवा क्लव रेडक्रस सोसाईटी उपसाखा सुरुङ्गाको आयोजना रहेको थियो ।
कार्यक्रममा कनकाई नगरपालिकाका प्रमुख राजेन्द्रकुमार पोखरेलले रक्तदान लगायातका सामाजिक गतिविधिमा धेरै संस्थाहरु एक भएर कार्यक्रम आयोजना गरिदा यस क्षेत्रको एकताको सन्देश वाहिर जाने बताउनुभयो । हरेक बर्ष अन्तराष्ट्रिय रेडक्रस दिवशका दिन सामुहिक आयोजनामा रेडक्रसले रक्तदान कार्यक्रमको आयोजना गर्दै आएको रेडक्रस सोसाइटी उपशाखा सुरुङ्गाका सभापति प्रविन तिम्सिनाले बताउनुभयो ।कार्यक्रमको संचालन सुदिप भण्डारीले गर्नुभएको थियो ।
