कनकाई अनलाईन
कोटीहवनमा अवस्थित कनकाईधाम धार्मिक विकास संस्थाको नेतृत्वका लागि आज भएको निर्वाचनमा १३०७ मत खसेको छ । कुल १४४३ मतदाता मध्ये यी मत खसेको हो । निर्वाचनमा नेकपा र विवेकशील साझा पार्टीका तर्फबाट नवलकिशोर दत्त र कांग्रेस र राप्रपाबाट गंगाराम दाहालको नेतृत्वमा निर्वाचनमा पार्टी होमिएको छ । कुल २३ पदमा ४८ जनाको उम्मेद्धारी परेको थियो । आज ३ बजेसम्म मतदाताले घेरामा बस्नुपर्ने नियम बनाएपनि धेरै मतदाता भएका कारण थप २ घण्टासम्मपनि मतदान जारी थियो । कोटीहवनको यो ३३ बर्षे इतिहासमा यसै पटक यति ठुलो निर्वाचन भएको हो ।
आज सम्पन्न निर्वाचनमा मलामी आएका सबैसाधरणलाई समेत नचिनेर उम्मेद्धारका प्रचारकहरुले मतदानको चिट थमाइदिएका थिए । मतगणना आजै गरिने भएको छ ।
