कनकाई अनलाईन
बिजयदशमीको अवशरमा सुरुङ्गामा ब्याटमिटन प्रतियोगिता सम्पन्न भएको छ ।
कनकाई ब्याटमिन्टन टिमको आयोजनामा भएको प्रतियोगितामा इलाका प्रहरी कार्यालय सुरुङ्गाका प्रमुख समेत रहनुभएका प्रहरी नायव निरिक्षक एसके चौधरी र रेवत ढकाल तथा दोस्रो पोलबाट रोषन श्रेष्ठ र इश्वर पोखरेलको समुह प्रथम भएको छ । यसैगरि पोल ए बाट जनक कार्की र इलाका प्रहरी कार्यालयका प्रहरी सहायक निरिक्षक किरण क्षेत्री दोस्रो भएका छन भने पोल बी बाट युवा व्यावसायी राजेन्द्र दाहाल ( राजन ) र संजय सेढाईँको समुह दोस्रो भएको छ ।
विजयी सबैलाई मेडल शिल्ड र पुरस्कार प्रदान गरिएको थियो । सुरुङ्गामा रहेको ब्याटमिटन कर्बट हलमा आयोजित सो प्रतियोगितामा सुरुङ्गा क्षेत्रका दर्जन वढी व्याटमिन्टन खेलाडीहरुले प्रतियोगितामा सहभागिता जनाएका थिए । पछिल्लो समय यस क्षेत्रका व्यावसायिक युवाहरु स्वास्थ्यका लागि ब्याटमिन्टन खेलप्रति झुकाव राख्न थालेसगै यसको व्यावसायिक खेलमा समेत श्रीबृद्धि भएको छ ।
