कनकाई अनलाईन ।
कनकाई खेलकुद प्रतिष्ठानको आयोजनामा कनकाई माविको खेल मैदानमा भइरहेको वार्डस्तरीय फुटबलमा आज भएको खेलमा वार्डनम्बर ३ ले वार्डनम्बर ८ लाई ० का बिरुद्ध ३ गोल अन्तरले हराउदै सेमिफाइनलको यात्रा पक्का गरेको छ । प्रतिस्पधात्मक बनेको खेलमा बार्डनम्बर ८ ले पाएका मौकाको सदुपयोग गर्न नसक्दा ८ ले नमिठो हार खान पुग्यो ।
बार्ड नम्बर ३ का तर्फबाट सनम देवान , रोहन कार्की र अरुण श्रेष्ठले १÷१ गोल गर्नुभयो । खेलको म्यान अफ द म्याच विजयी टिमका डिफेन्स निमेश गुरुङ्ग भए उनलाई कनकाई खेलकुद प्रतिष्ठानकी सदस्य अम्बिका खरेलले नगद ५ सय दिनुभयो । भोलीको पहिलो सेमिफाइनल खेल आज बिजयी बार्डनम्बर ३ र ५ बिच हुने खेल समितिका संयोजक बिश्वनविन बास्तोलाले बताए ।
कनकाई नगरपालिकाको आर्थिक सहयोगमा भइरहेको प्रतियोगितामा कनकाई नगरपालिकाका ९ बटै बार्डको सहभागिता रहेको छ । प्रतियोगितामा सहभागि खेलाडीमध्ये उत्कृष्ट खेलाडीको छनौट गरिने र आगामी मेयर कपमा सहभागि गराइने कनकाई नगरपालिकाका खेल दुत सन्त रायमाझिले बताउनुभयो । प्रतियोगितामा बिजयी र उपविजयी हुने टिमले नगद २१ ह्जार र १६ हजार नगद पुरस्कार समेत पाउने छ ।