कनकाई अनलाईन ।
कनकाई नगरपालिका ३ कनकाई माविको खेल मैदानमा आजदेखि तेस्रो बार्डस्तरीय फुटवल सुरु भएको छ ।
कनकाई क्षेत्रका ९ वडा सम्मिलित फुटवलको आज भएको उद्घाटन खेलमा वार्डनम्बर ५ ले वार्डनम्बर ६ लाई २—१ गेल अन्तरले पराजित गर्दै दोस्रोचरणमा प्रवेश गरेको छ । विजयी टिमका लागि खेलको पहिलो हाफको १८ औ मिनेटमा रुचन लिम्बु र दोस्रो हाफको १७ औ मिनेटमा भीम मगरले १÷१ गोल गरे । पराजित टिमका लागि एकमात्र शान्तना गोल खेलको इन्जुरी समयमा विकु तामाङ्गले गरे । खेलको म्यान अफ द म्याच बिजयी टिम वडानम्बर ५ का खेलाडी भीम मगर बने उनलाई युवा व्यावसायी लीला तिम्सिनाले नगद ५ सय पुरस्कार दिए ।

 
 
 
भोलीको दोस्रो खेल वार्डनम्बर ४ र २ बिच हुने आयोजक समितिका खेल संयोजक विश्वनविन बास्तोलाले बताए । यसैविच खेलको उद्घाटन माननीय प्रदेशसभाका सदस्य हिराकुमार थापाले गर्नुभयो । उहाँले कनकाई नगरीलाई खेल नगरी बनाउन सिङ्गो प्रदेश सरकार लाग्ने समेत प्रतिवद्धता जनाउनुभयो ।
कनकाई खेलकुद प्रतिष्ठानको आयोजनामा भएको वार्डस्तरीय फुटबल प्रतियोगितामा कनकाई नगरका ९ बार्डकै एकएक टिमको सहभागिता छ । प्रतियोगितामा विजयी तथा उपविजयी हुने टिमले नगद २१ हजार र १६ हजार तथा ट्रफि पाउने छन भने उत्कृष्ट खेलाडीहरु आउदो नगरकपका लागि छनौट हुने समेत आयोजक समितिका सदस्य विनोद उप्रेतीले बताए । कार्यक्रम सचिव दिनानाथ खतिवडाको संचालन तथा कार्यवाहक अध्यक्ष झलक सिटौलाको सभापतित्वमा सम्पन्न भएको थियो ।