कनकाई अनलाईन
डिफेन्डिन च्याम्पियान झापा भलिबल टिम आगामी चैत्र २७ गतेदेखि ३० गतेसम्म संखुवासंभाको खादबारीमा हुने दोस्रो रेजिना कप भलिवलको खेलका लागि हाल बन्द प्रशिक्षणमा रहेका छ ।
सताक्षीधाम भलिवल क्लवको आयोजनामा हालै दुधेमा भएको झापाका सवै स्थानीय तहविच गराइएको भलिवल प्रतियोगिताबाट छनौट गरिएका २० खेलाडी हाल बन्द प्रशिक्षणमा रहेका जिल्ला भलिवल संघका कोषाध्यक्ष एवम तालिम संयोजक राजुपाठकले बताउनुभयो । प्रदेश नम्बर १ का १४ जिल्लाको सहभागिता रहने सो प्रतियोगिताको प्रथम वर्षको उपाधि झापाले जितेको थियो , यसवर्षपनि आफ्नो पुरानो विरासत जोगाउने उदेश्यका साथ झापा खेलमा जानलागेको पाठकले बताउनुभयो । झापाली टिम दुधे खेल मैदानमा गत चैत्र १२ गतेदेखि बन्द प्रशिक्षणमा रहेको छ । सो प्रतियोगिताको प्रथम हुने टिमले नगद १ लाख र १०० तोला चादीको ट्रफि पुरस्कार पाउने छ भने उपविजयी हुने टिमले नगद ५० हजार र ५० तोलाको चादीको ट्रफि पाउने छ ।
