कनकाई अनलाईन
शरणामतीमा दोस्रो शरणामती गोल्डकप हुने भएको छ ।
शरणामतीको फ्रण्डर्स क्लवको आयोजनामा हुने गोल्डकपको तयारीका वारेमा बृहत अन्तक्रियाको समेत आयोजना गरिएको छ । आगामी वैशाख पहिलो सातामा गोल्डकपको आयोजना गरिने समेत अन्तक्रियामा वताइएको छ भने यसका लागि पुन अन्र्तक्रिया कार्यक्रमको समेत आयोजना गरिने जनाइएको छ । झापा गाउ पालिकाकी उपाध्यक्ष कुन्तीदेवि बुडाथोकीको प्रमुख आतिथ्यतामा भएको कार्यक्रममा यस क्षेत्रका खेलप्रेमी तथा भद्रभलादमीको उपस्थिति रहेको थियो । क्लवका पुर्व अध्यक्ष सुमन प्याकुरेलले स्वागत गरेको कार्यक्रममा पुर्व खेलाडी गजेन्द्र ताम्ली , प्रतापसिंह विश्वकर्मा , रमेश कोइराला , धनपति रिजाल , पत्रकार लीलाराज झापाली लगायातले दक्षिणी क्षेत्रको परिचयकै रुपमा रहेको शरणामती गोल्डकपको निरन्तरताको लागि आआफ्नो क्षेत्रबाट लागिपर्ने प्रतिवद्धता जनाउनुभएको थियो ।
यसैगरि फ्रेण्डर्स क्लवका अध्यक्ष उमाराम रिजालले अव यस क्लवको कार्यक्षेत्र झापा गाउपालिकाभर रहेको तथा खेल र रत्तदान लगायातका सामाजिक गतिविधि गर्दै लैजाने समेत प्रतिवद्धता जनाउनुभयो । कार्यक्रमममा क्लवलाई विभिन्न समयमा मद्धत गर्ने र पहिलो शरणामती गोल्डकप सफलतापुर्वक सम्पन्न गर्न मद्धत गर्ने सहयोगिलाई सम्मानित समेत गरिएको थियो ।
