कनकाई अनलाईँन ।
सुरुङ्गा , पुस २८ गते । कनकाई नगरका जुझारु युवा नेता तथा सुरुङ्गा जेसिजका पुर्व अध्यक्ष शिव कडेँल आज सुरुङ्गामा सम्मानित हुनुभएको छ ।
कनकाई खेलकुद प्रतिष्ठान झापाले आफ्नो तेस्रो साधरणसभाको अवशरमा नगरको खेल क्षेत्रमा पुर्याएको उच्च मुल्याङ्गकन गर्दै कडेँललाई सम्मान गरिएको हो ।
उहाँलाई झापा क्षेत्रनम्बर ४ का सांसद एलपीसाँबा लिम्बु , प्रदेशसभा सदस्य हिराकुमार थापा , कनकाई नगरका प्रमुख राजेन्द्रकुमार पोखरेल उपप्रमुख मन्जु प्रसाई , कांग्रेसका प्रभावशाली नेता देउमान थेबे लगायातले जेसिज भवनमा आयोजित कार्यक्रममा सम्मानपत्र सहित दोसल्ला ओडाएर सम्मान गर्नुभएको हो ।
कडेँल पृथ्वी वचत तथा ऋण सहकारी संस्थाका सचिव , नेपाली कांग्रेसका क्षेत्रिय सचिव लगायात थुप्रै संघ संस्थामा रहेर सामाजिक तथा राजनैतिक गतिविधिमा सक्रिय रहदै आउनुभएको छ । उहाँले कनकाई खेलकुद प्रतिष्ठानले निर्माण गरेको मिनि स्टेडियामको निर्माण समितिको संयोजकमा रहेर समेत लामो समय सेवा गर्नुभएको थियो । कार्यक्रम कनकाई खेलकुद प्रतिष्ठानका अध्यक्ष ज्योतीकुमार उप्रेतीको सभापतित्व तथा कोषाध्यक्ष दुर्गा प्रसाईको संचालनमा सम्पन्न भएको थियो ।
