कनकाई अनलाईन
पार्टीको अत्यासित हारपछि राष्ट्रिय प्रजातन्त्र पार्टीको झापा गाउँपालिकामा जिम्मेवार कार्यसमितिका पदाधिकारी नेताहरुले धमाधम राजीनामा दिन थालेका छन ।
पार्टीको क्षेत्रनम्बर ४ का क्षेत्रिय सचिव रुपनारायण बजगाईँ सहित आधा दर्जन नेताले आज राप्रप्रा झापा गाउँपालिकामार्फत राजीनामा दिएका हुन ।
यसरी राजीनामा दिनेमा राप्रप्राका झापा गाउँपालिकाका वर्तमान सचिव तथा गत स्थानीइ निर्वाचनमा राप्रपाबाट वार्ड नम्बर ६ बाट वार्डअध्यक्ष उठेर कांग्रेस , माओवादी केन्द्रका उम्मेद्धार भन्दा वढी मत ल्याएर दोस्रो हुने लोकप्रिय युवा नेता भवेन्द्र भण्डारी , झापा गाउँपालिका सदस्य तथा चर्चित राष्ट्रिय कलाकार दिपेश प्रसाई , गाप सदस्य द्रोण बहादुर पौडेल र खगेन्द्र सेलुवाल रहनुभएको छ ।
उहाँहरुले आजै राप्रपा झापा गाउँपालिका अध्यक्ष शहरमान कटुवालसमक्ष राजीनामा बुझाएका हुन । उनीहरुले राप्रपाको नेतृत्वको कमजोरीले निर्वाचनमा लज्जाजनक स्थान आएको पार्टी टुटफुटमा परेको लगायातका आरोप लगाउँदै स्वतन्त्र जिवन यापन गर्ने उल्लेख छ ।
