कनकाई अनलाईन
घर निर्माणका क्रममा चारतले घर माथिबाट खसेर बिर्तामोडमा एकजना मजदुरको मृत्यु भएको छ ।
बिर्तामोड १ का दिनेश मैनालीको घर निर्माण गर्नेक्रममा चार तला माथिबाट खसेर बिहीवार दिउँसो १२.५० बजे भारत बोतलवारी घर भएका २० वर्षीय चामाल हक गंभीर घाइते भएका थिए । उनलाई उपचारको लागि बिर्तासिटी हस्पिटल लगिएकोमा उपचारका क्रममा दिउँसो सवा ३ बजे मृत्यु भएको थियो ।
मृतकका आफन्त आज बिहान मात्र आइपुगेकाले प्रादेशिक अस्पताल भद्रपुरमा पोस्टमार्टम गराई शुक्रवार दिउँसो मृतकका बुवालाई शव जिम्मा लगाइएको इलाका प्रहरी कार्यालय बिर्तामोडका डीएसपी प्रकाश विष्टले बताउँनुभयो ।
