कनकाई अनलाईन
झापाको झापा गाउँपालिकामा चौथो अध्यक्ष कप आमन्त्रित पालिका स्तरीय रात्रीकालिन भलिवल प्रतियोगिता हुने भएको छ।आगामी जेठ १ गते देखी ५ गते सम्म हुने सो प्रतियोगिता दिउँसो ४ बजे देखी राती १० बजे सम्म संचालन हुनेछ।
प्रतियोगीतामा प्रदेशका ६ टिम र प्रदेश बाहिरका २ टिमले सहभागिता जनाउने आयोजक सामितिका अध्यक्ष रोहित सिवाकोटीले बताउनु भयो ।
प्रतियोगितामा विजेताले नगद १ लाख ६५ हजार प्राप्त गर्ने छन्। त्यस्तै उपविजेताले नगद १ लाख १ हजार हात पार्ने आयोजक समितिका सल्लाहकार संयोजक गजेन्द्र ताम्ली लिम्बुले बताउनु भयो ।
सो प्रतियोगिताको आयोजना झापा गाउँपालिकाले गरेको हो । प्रतियोगिता झापा गाउँपालिका वडा नम्बर ६ स्थित जनता माविको खेल मैदानमा हुनेछ ।
