कनकाई अनलाईन
झापाको कनकाई नगरपालिका ५ कनकाई टोल निवासी चन्द्रबहादुर विकलाई कनकाई माईले बगाएको ८ औ दिनसम्म पनि उनको शव फेला नपरेपछि उनको कुशको शव बनाएर कनकाई माई नदिमै अन्तिम सस्कार गरिएको छ ।
खोलाले बगाएका चन्द्र बहादुर ८ दिन सम्म पनि नभेटेपछि कुशको शव स्थापना गरी परिवारले प्रहरी, जनप्रतिनिधि र स्थानीयको उपस्थितिमा अन्तिम संस्कार गरिएको कनकाई ५ का जनप्रतिनिधि डिल्लु उप्रेतीले कनकाई अनलाईनलाई बताउँनुभयो ।
गत साउन २३ गतेका दिन दिउसो अन्दाजी १२ बजेको समयदेखि स्थानीय चन्द्रबहादुर विक वाढीमा दाउरा निकाल्ने क्रममा वेपक्ता बनेका थिए । उनी नदिले वगाएर ल्याएका दाउरा निकाल्न जाने क्रममा कनकाई नदिले बगाएर बेपत्ता भएका कनकाई नगरपालिका ५ कनकाई टोल निवासी ६० बर्षिय चन्द्र बहादुर विक ८ दिन सम्म खोजि गर्दा पनि नभेटेपछि परिवारले कुशको शव स्थापना गरि अन्तिम संस्कार गरेको हो ।
विक साउन २३ गते शुक्रबार दिउसो अन्दाजी १२ बजेको समयमा शिवसताक्षि नगरपालिका वडा न.१० र ७ को सिमाना टेक्रा स्थित कनकाई माई नदिबाट दाउरा निकाल्ने क्रममा खोलाले बगाई बेपत्ता भएका थिए ।
नेपाल प्रहरी र स्थानिय मानिसहरुको सहयोगमा ८ दिन सम्म खोजि गर्दा पनि उनि नभेटेपछि साउन ३० गते शुक्रबार कनकाई नगरपालिकाका नगर प्रमुख राजेन्द्रकुमार पोखरेल , वडाका जनप्रतिनिधि , ईलाका प्रहरि कार्यलय झिल्झिलेका प्रतिनिधि , स्थानीय लगायतको रोहवरमा परिवारले कुशको शव स्थापनागरी हिन्दु परम्परा अनुसार अन्तिम संस्कार गरी सुद्धयाई कार्य सुरु गरेको कनकाई नगरपालिका ५ का वडा सदस्य डिल्ली उप्रेतीले वताउनु भएको छ ।
