कनकाई अनलाईन
झापाको कनकाई नगरपालिका ३ नयाँ बस्ती छेत्र , सुरुङ्गामा रहेको ग्रामीण विकास सेवा समितिको अध्यक्षमा उर्जाशिल युवा व्यवसायी , सामाजिक व्यक्तित्व सुवास डँगी सर्व सम्मत चयन हुनुभएको छ ।
कनकाई अतिथि सदनमा बिहिवार सम्पन्न संस्थाको २१ अौ साधारणसभा तथा अधिवेशनबाट यस अघि संस्थामा कोषाध्यक्षको कार्यभार सम्हालि सक्नु भएका डाँगी अध्यक्षमा सर्वसम्मत चयन हुनुभएको हो ।
संस्थाको उपाध्यक्षमा दुर्गा प्रसाद भट्टराई , सचिवमा बुद्धराज लिम्बु , सहसचिवमा डिल्लीराम बास्कोटा , र कोषाध्यक्षमा दुर्गा देवी प्रसाईं सर्वसम्मत चयन हुनुभएको छ । त्यसै गरी सदस्यहरुमा संगिता लिम्बू , कुमार खतिवडा , जंगबहादुर थापा , मनिस पुरी , मिना खतिवडा र पद्धमा लिम्बू चयन हुनुभएको छ । कार्यसमिति चयनकालागी दिननाथ खतिवडा संयोजक र टिकाप्रसाद तिम्सिना साथै मिना अधिकारी सदस्य रहेको निर्वाचन समितिले सहजिकरण गरेको थियोे ।
सभामा संस्थाका अध्यक्ष तथा कार्यक्रमका अध्यक्ष तेजबहादुर प्रधानले अध्यक्षको प्रतिवेदन प्रस्तुत गर्दै ूसंगठित बनी आफ्नो गाउँ आफै बनाउू भन्ने मुल नाराको साथ सेवामा समर्पित विशुद्ध सामाजिक सस्थाको रुपमा मिति २०६० सालमा स्थापना भएको यस सस्थाले सम्पूर्ण गाउँबासीहरु बीच आपसी एकता कायम गर्दै आपद विपदमा सहयोग आदान प्रदान गर्ने , संस्कृतिको सरक्षण र सम्बर्द्धन गर्ने , शैक्षिक तथा बौदिक विकासको लागि कार्यक्रम संचालन गर्ने , सामाजिक सेवा तथा आयमुलक कार्यक्रम योजना तथा संचालन गर्ने जस्ताकार्यहरु गर्दै आएको वताउनु भयो ।
तेस्तै संस्थाका कोषाध्यक्ष सुवास डाँगीले संस्थाको ७ लाख ६९ हजार बराबरको आर्थिक प्रतिवेदन प्रस्तुत गर्नु भएको थियो । उक्त दुबै प्रतिवेदन बन्द सत्रमा व्यापक छलफल पछि पारित भएको कोषाध्यक्ष डाँगीले जानकारी गराउनु भयो ।
कार्यक्रममा शुभकामना मन्तव्य राख्दै कार्यक्रमका प्रमुख अतिथि कनकाई नगरपालिका ३ का वडा अध्यक्ष युवराज चौलागाईंले विगतमा समेत यस संस्थालाई वडाले सहयोग गर्दै आएको र आउदा दिनहरुमा पनि संस्थाका कार्यक्रम हेरेर वडाले सहयोग गर्दै जाने प्रतिवद्धता जनाउनु भयो ।
नव निर्वाचित अध्यक्ष डाँगीले प्रतिवद्धता मन्तव्य राख्दै निर्वाचन समिति , कार्यसमिति साथै सम्पुर्ण सदस्य प्रति आभार वक्त गर्नुभएको थियो ।
कार्यक्रममा झापाको अर्जुनधारामा रहेर प्रदेश भरिनै स्वास्थ्य शिक्षाको क्षेत्रमा काम गर्दै आएको अर्जुनधारा मल्टीप्रपोज प्रालिको सहकार्यमा स्वास्थ्य सचेतना कार्यक्रम समेत गरिएको थियोे । उक्त कार्यक्रमको सहजिकरण प्रमुख सहजकर्ता पारसमणी प्रधान , सहजकर्ताहरु खगेन्द्र प्रसाईं , दिनेस अधिकारी र सुस्मिता चौधरीले गर्नु भएको थियो ।
कनकाई नगरपालिका कार्यपालिका सदस्य नवल किशोर दत्त , कनकाई ३ का वडा सदस्य अनिल गोयल , पाथिभरा परोपकार संस्थाका अध्यक्ष निलकृष्ण सेडाई , कोटिहवन धार्मिक संस्थाका महासचिव दिननाथ खतिवडा , शीक्षासेवी टिकाप्रसाद तिम्सिना , पुर्व अध्यक्षहरु रमेश हुमगाई , बाबु दाहाल , विनोद भण्डारी , समाजिक ब्यक्तित्व केशव पोखेरल , अशोक भण्डारी लगायतको आतिथ्यता रहेको कार्यक्रममा अतिथिहरु दिननाथ खतिवडा , निलकृष्ण सेडाई लगायतले शुभकामना मन्तव्य राख्नु भएको थियोे ।
कार्यक्रममा उपस्थित सबैलाई स्वागत संस्थाको उपाध्यक्ष संगीता लिम्बुले गर्नुभएको थियो । कार्यक्रमको संचानल सचिव सागर सुब्बाले गर्नुभएको थियोे ।
ऋजगमबmबलष्
