कनकाई अनलाईन
भद्रपुर एयरपोर्टबाट लागुऔषध सहित एकजनालाई प्रहरीले पक्राउ गरेको छ ।
विहीवार साँझ ७ बजेको समयमा विशेष सुरक्षागार्डले चेकजाँचका क्रममा बुद्ध एयरको उडानबाट काठमाण्डौतर्फ जान लागेका यात्रु लमजुङ बेसीसहर नगरपालिका ६ घर भई काठमाण्डौ महानगरपालिका ५ बसपार्क बस्दै आएका २४ बर्षिय युकेन गुरुङ्गलाई पक्राउ गरेको हो ।
एयरर्पोटबाट खटिएको प्रहरी टोलीले ट्राउजरको इजारमा लुकाएर लैजान लागेको अवस्थामा १२ ग्राम ब्राउनसुगर सहित प्रहरीले पक्राउ गरेको हो । पक्राउ गरिएका गुरुङ्गलाई जिल्ला प्रहरी कार्यालय झापामा राखि थप अनुसन्धान गरिरहेको जिल्ला प्रहरी कार्यालय झापाका प्रहरी प्रवक्ता प्रहरी नायक उपरिक्षक बसन्त पाठकले जानकारी दिनुभयो ।
