कनकाई अनलाईन
बेलबारी नगरपालिकालाई पराजित गर्दै झापा गाउँपालिका झापाको सुरुङ्गामा जारी प्रदेश एक स्तरीय अन्तर पालिका भलिबल प्रतियोगिताको सेमिफाईनलमा प्रबेश गरेको छ । सुरुङा जेसिजले आयोजना गरेको भलिबल प्रतियोगिताको समूह चरणको पहिलो खेलमा गत बर्षको उपविजेता झापाले उपाधि दाबेदार मानिएको बेलबारी नगरपालिकालाई तीन एकको सेटमा पराजित गर्दै सेमिफाईनलमा आफ्नो स्थान पक्का गरेको हो ।
पहिलो सेट २५–१४ ले आफ्नो पक्षमा पारेको उसले दोश्रो २५(१५ ले जितेको थियोे । उत्कृष्ट खेल प्रदर्शन गर्नका बाबजुत झापाले तेस्रो सेट २५।२३ ले गुमाएको थियोे । तर चौथौ सेटमा २५(१७ को सहज जित हात पार्दै झापाले अन्तिम चारमा स्थान पक्का गरेको हो । खेलको म्यान अफ द म्याच विजयी टिमका विष्णु बस्नेत भए। झापाले अब फाईनल प्रबेशका लागि चुलाचुली गाउँपालिका इलाम र बुद्दशान्ति गाउँपालिका झापाको विजेतासँग ६ गते प्रतिश्पर्धा गर्नेछ । चुलाचुली गाउँपालिका इलाम र बुद्दशान्ति गाउँपालिका झापा बिहीबार आमनेसामने हुनेछन् । बिहीबार नै शिवसताक्षी नगरपालिका र गौरादह नगरपालिकाबीच पनि खेल हुने आयोजक समितिका प्रविन तिम्सिनाले बताउँनुभयो ।
