कनकाई अनलाईन
झापाको बुद्धशान्ति गाउँपालिका वडा नम्बर ३ झिल्मिले पुलस्थित मेची राजमार्गमा मंगलबार दिउसो भएको सवारी दुर्घटनामा एक जनाको मृत्यु भएको छ ।
को २० प ३२७८ नम्बरको मोटरसाइकल र प्रदेश १–०१–००१ त ९७९७ नम्बरको ट्याक्टर एक आपसमा ठक्कीएर भएको दुर्घटनामा मोटरसाइकल चालक मोरङ केराबारी गाउँपालिका वडा नं. ८ अन्दाजी बर्ष २१ योसन लिम्बुको मृत्यु भएको हो ।
सोहि मोटरसाइकल पछाडी सवार मोरङ बेलबारी नगरपालिका वडा नं. ४ अन्दाजी १७ कि लिला श्रेष्ठ र लिम्बु घाइते भएर उपचारको लागि बीएण्डसी अस्पताल बिर्तामोड पठाइएकोमा योसन लिम्बु उपचारको क्रममा मृत्यू भएको हो ।
ट्याक्टर, मोटरसाइकल र ट्याक्टर चालक इलाम रोङ गाउँपालिका वडा नं.४ का बर्ष ३३ बर्षिय डिल्लीबहादुर लेप्चा प्रहरीको नियन्त्रणमा रहेको र सो घटना सम्बन्धमा थप अनुसन्धान कार्य भइरहेको जिल्ला प्रहरी कार्यालय झापाले जनाएको छ ।
यता झापाको मेचीनगर नगरपालिका २ त्रिमार्ग चोकमा अटोको ठक्करबाट एक जना पैदल यात्रीको मृत्यु भएको छ ।
सोमबार साँझ उत्तरबाट दक्षिण तर्फ जादै गरेको मे १ ह ७१५३ नम्बरको अटोले ठक्कर दिदा पैदल यात्री ६० वर्षीय रविलाल दनुवार घाईते हुनुभएको थियो ।
घाईते भएका दनुवारको उपचारको क्रममा बि एण्ड सि अस्पतालमा मृत्यु भएको इलाका प्रहरी कार्यालय काँकरभिट्टाले जनाएको छ ।
ठक्कर दिने अटो चालक ४० वर्षीय भुपाल बास्तोलालाई प्रहरीले नियन्त्रणमा लिई घटना सम्बन्धमा थप अनुसन्धान भईरहेको प्रहरीले छ ।
तस्वीर ः बुद्धशान्तिमा दुर्घटना भएको दृश्य
