कनकाई अनलाईन
अति सिमान्तकृत जाति सन्थालहरुमात्रै सहभागि हुन पाउने दोस्रो सन्थाल कप नकआउट फुटबल प्रतियोगिताको उपाधि आयोजक मदगाछ सन्थालको टिमले जितेको छ ।
झापाको झापा गाउँपालिका–७ मदरगाछमा जारी प्रतियोगिता जित्दै आयोजकले नगद ६० हजार हात पारेको । उपबिजयी भएको टिम बरडाँगीले नगद ३० हजारमा चित्त बुझायो । खेल अवधिभर गोल रहित बराबरीमा खेल सकिएपछि भएको ट्राईब्रेकरमा आयोजकले बरडाँगीको चुनौती ५—४ गोलले पन्छायो ।
प्रतियोगितामा वेस्ट प्लेयर बरडाँगीका उमेश मुर्मु घोषित हुदा वेस्ट डिफेन्स आयोजक टिमका खगेन्द्र प्रताप हेमरम त्यस्तै वेस्ट किप्पर र हाइस्कोररमा आयोजक टिमकै विश्व सोरेन र नरेश मुर्मु घोषित भए ।
बिजयी तथा उपबिजयी टिमलाई झापा गाउँपालिका अध्यक्ष जयनारायण शाह तथा उपप्रमुख अन्जु थपलियाले ट्रफि र नगद प्रदान गर्नुभयो । कार्तिक १ गतेदेखि भएको प्रतियोगितामा देशभरका १६ सन्थाल फुटबल टिमको सहभागिता रहेको थियो ।
