कनकाई अनलाईन
प्रतिबन्धित लागूऔषध ब्राउनसुगरसहित दुईजना अर्जुनधाराबाट पक्राउ परेका छन् ।
पक्राउ पर्नेहरुमा अर्जुनधारा नगरपालिका वडा नं।११ बस्ने ३४ वर्षिय दिनेश दर्जी र सोही ठाउँका ३८ वर्षिय राजकुमार कार्की रहेका छन् । गएराति ८ बजे अर्जुनधारा ११ स्थित चिया बगान छेउमा अस्थाइ प्रहरी पोष्ट बसपार्कबाट खटिएको प्रहरी टोलीले दर्जी र कार्कीलाई चेकजाँच गर्दा दुबै जनाको साथबाट २१ ग्राम ब्राउनसुगर फेला परेको थियो ।

दुबै जनालाई नियन्त्रणमा लिई इलाका प्रहरी कार्यालय अनारमनी झापामा राखी थप अनुसन्धान भइरहेको जिल्ला प्रहरी कार्यालयले जनाएको छ ।