कनकाई मेयरकप दमक ३—१ ले विजयी
कनकाई अनलाईन
सुरुङ्गा , असोज १ गते । झापाको सुरुङ्गामा जारी दोस्रो नगरपालिकास्तरीय कनकाई कप फुटवल प्रतियोगितामा आजको खेलमा पुर्व विजेता दमक नगरपालिका विजयी भएको छ ।

भद्रपुर नगरपालिकाको टिमलाई ३ —१ गोल अन्तरले पाखाँ लगाउँदै दमक नगरपालिकाको टिम विजयी भएको हो । दमकको तर्फवाट खेलसुरु भएको ४ मिनेटमै सम्भु राइले गोल गर्दै शुरुवाती अग्रता दिलाएका थिए भने दमककैतर्फ बाट ३२ र ४५ मिनेटमा क्रमश निशान राई र प्रविन राईले समेत थप १÷१ गोल गरे । भद्रपुर नगरपालिकाको तर्फबाट एकमात्र सान्तना गोल खेलको २४ औ मिनेटमा गरे । आइतवारको खेलको म्यान अफ द म्याच विजयी टिमका अशोक जवेगु भए उनलाई स्थानीय समाजसवी देवराज ओलीले नगद २ हजार रुपैँया प्रदान गरे । भोली सोमवारको तेस्रो खेल मेचीनगर नगरपालिका र गौरादह नगरपालिकाविच हुने खेल सयोजक राजेन्द्र उप्रेतीले बताए । कनकाई खेलकुद प्रतिष्ठानको आयोजनामा कनकाई माविको खेल मैदानमा जारी फुटवल प्रतियोगताको विजयी तथा उपविजयी टिमलाई नगद १ लाख ५ हजार तथा ५५ हजार पुरस्कार पाउने छन ।