कनकाई अनलाईन ।
कनकाई माविको खेल मैदानमा आज शनिवार दिउसो ३ बजेदेखि दोस्रो झापा जिल्लास्तरीय नगर कप कनकाई कप फुटबल शुरु हुदैँ छ ।
कनकाई खेलकुद प्रतिष्ठानको आयोजनामा शरु हुने प्रतियोगिताको प्रथम खेल आज आयोजक कनकाई खेलकुद प्रतिष्ठान कासा अर्थात कनकाई नगरपालिका र शनिअर्जुन नगरपालिकाका विच हुने खेल संयोजक राजेन्द्र उप्रेतीले बताउँनुभयो ।
७ गतेसम्म चल्ने यस प्रतियोगितामा झापाका ८ नगरपालिकाका टिमहरुको सहभागिता रहेको प्रचार विभाग सदस्य गोविन्द सुवेदीले वताउँनुभयो । प्रतियोगिगताको पुरस्कार राशि समेत यसवर्षदेखि बृद्धि गरिएको छ । प्रथम पुरस्कार १ लाख ५ हजार र द्धितिय पुरस्कार ५५ हजार बनाइएको छ । कनकाई खेलकुद प्रतिष्ठानको आयोजना र कनकाई नगरपालिकाको प्रबद्धनमा अघिल्लो वर्षदेखि यस प्रतियोगिताले निरन्तरता पाएको हो ।
