कन्काई संवाददाता
कनकाई नगरपालीकाका बालबालिकाहरुले आज जेब्रा क्रसिङ्ग निर्माण गरेर राष्ट्रिय बाल दिवस २०७४ मनाएका छन्। कनकाई नगर बाल संजालले सुरुङ्गामा बढ्दो सडक दुर्घटनालाई न्युनिकरण गर्ने हेतुले स्थानिय संघ सस्थाहरुसँगको सहकार्यमा जेब्रा क्रसिङ्ग निर्माण गरेको हो।
कनकाई नगरपालीका कार्यालय, सुरुङ्गा सहकार्य युवा क्लब, लायन्स क्लब अफ कनकाई सुरुङ्गा, टा«फिक प्रहरी कार्यालय सुरुङ्गा जस्ता सस्थाहरुको सहयोगमा उक्त कार्य गरिएको हो। बाल संजालका अध्यक्ष नविन गौतमको अध्यक्षता रहेको कार्यक्रमको संचालन उपाध्यक्ष आस्था ढकालले गरेकी थिईन्।
