कनकाई अनलाईन
माओवादी केन्द्र कनकाईका पुर्व संयोजक तथा हालका जिल्ला सदस्य समेत रहेका चन्द्रमान कन्दङवाको आज दुखद निधन भएको छ ।
पूर्व भारतीय सैनिक समेत रहनुभएका चन्दमानको आज दिउसो २ बजे उपचारका क्रममा भारतीय अस्पताल बागडुक्रामा निधन भएको नेकपा माओवादी केन्द्रका प्रदेश नम्बर एकका सदस्य तथा कनकाई नगर इन्चार्ज गोपाल प्रसाईले बताउँनुभयो ।
उहाँको भोली मंगलवार दिउसो ११ बजे कनकाई माई कोटीहोममा अन्तिम सस्कार गरिने समेत प्रसाईले बताउँनुभयो । कन्दङवा ४ दिन अगाडि मात्रै मतिष्क घात भई उपचारका लागि बिर्तामोड विएण्डसी अस्पताल लगिएकोमा त्यहा उपचार सम्भव नभएपछि थप उपचारका लागि भारतको बागडुग्रामा लगिएको थियो । उहाँको उपचारका क्रममा त्यहा आज निधन भएको हो । कन्दङवा पार्टीका अतिरिक्त विभिन्न संघ संस्थामा आवद्ध रहेर सामाजिक तथा राजनैतिक गतिविधि गर्दै आउनुभएको थियो । उहाँ कनकाई ७ दुर्गापुरका पुराना बासिन्दा समेत रहनुभएको थियो । उहाँको पार्थिक शरिररमा पार्टीको झण्डा ओढाएर उच्च सम्मान गरिने नेकपा माओवादी केन्द्र कनकाईका अध्यक्ष यामनाथ सेडाईले बताउँनुभयो ।
