कनकाई अनलाईन
प्रहरीले अबैध सखुवा जातको ठुलो परिमाणको काठसहित गाडी र दुई जनालाई नियन्त्रणमा लिएको छ ।
बिहीवार सवा ४ बजे अर्जुनधारा ५ ओमचोकस्थित मे १ च २९५० नम्बरको गाडीलाई शनिश्चरेबाट खटिएको प्रहरीको गस्ती टोलीले शंका लागि चेक जाँच गर्दा काठ बरामत गरेको हो ।
गाडीमा ८३ थान चौकट र २ थान झ्यालको पल्ला (सखुवा जातको) परालले छोपी ल्याउदै गरेको अवस्थामा फेला पारिएको जिल्ला प्रहरी कार्यालय झापाले जनाएको छ ।
बरामद काठ, गाडी र गाडी चालक बुद्धशान्ति–२ जयपुर बस्ने बर्ष ३० को कुमार बोहोरा र सह–चालक ५२ वर्षीय बालकृष्ण गौचनलाई नियन्त्रणमा लिई इलाका प्रहरी कार्यालय अनारमनी मार्फत आवश्यक कारबाहीको लागि डिभिजन वन कार्यालय सुरुङ्गामा पठाइएको प्रहरीले जनाएको छ । बरामद काठ,गाडी र पक्राउ गरिएकालाई आवश्यक कार्वाहीका लागि प्रक्रिया अगाडि वढाइएको प्रहरीले जनाएको छ ।
