कनकाई अनलाईन
झापाका विभिन्न क्षेत्रमा मोटरसाईकल चोरी गर्ने गिरोहलाई प्रहरीले पक्राउ गरेको छ ।
जिल्लाका विभिन्न स्थानबाट मोटरसाईकल हराएको जनगुनासो आएसगै प्रहरीले मोटरसाईकल चोरी गर्ने गिरोहलाई खोजी गरेको जिल्ला प्रहरी कार्यालय झापाले जनाएको छ ।
प्रहरीको इलाका प्रहरी कार्यालय अनारमनी बिर्तामोडको प्रहरी टोलीले ईलाम जिल्ला सुर्योदय नगरपालिका वडा नं. ९ बस्ने २१ बर्षिय आशिष सुब्बा, सोही स्थान बस्ने बर्ष २१कै बिवेक घिमिरे र झापा बिर्तामोड नगरपालिका व ३ बिर्ताबजार बस्ने बर्ष २६ को रंजित राजवंशीलाई विभिन्न मितिमा चोरी गरेका मे ६ प २५०५ को १५० सिसिको पल्सर मोटरसाईकल, मे ११ प ९७३५ नं. को एफ जेट १५० सिसिको मोटरसाईकल सहित पक्राउ गरेको छ । चोरी भएको मोटरसाईकल सहित पक्राउ गरिएका तीनै जनालाई जिल्ला अदालत झापाबाट ७ दिन म्याद थप गरि कानुनी कार्वाहीका लागि प्रहरी हिरासतमा राखिएको प्रहरीले जनाएको छ ।
