कनकाई अनलाईन
शिवसताक्षी । झापाको शिवसताक्षीमा जारी दिलमाया स्मृति कपको सुप्पर ८ को सोमबार भएको खेलमा शिवसताक्षी नगरपालिका वडा नं. १० सेमीफाइनलमा प्रवेश गरेको छ ।कनकाई नगरपालिका वडा नंं. ६ लाई ५– ० गोलअन्तरले पराजित गर्दै शिवसताक्षी १० सेमीफाइनलमा प्रवेश गरेको हो ।
खेलको १ मिनेट मै शिवसताक्षीका लागि जर्सी नं. ७ का पवन राईले पहिलो गोल गर्दै टिमलाई अग्रता दिलाएका थिए । खेलको ४ औं मिनेटमा शिवसताक्षीका जर्सी नं. ९ का मनिष लिम्बुले एक गोल थप गरी दुई गोलको अन्तर बनाए । त्यस्तै खेलको २६ पवन राईले नै पुन गोल गर्दै खेलमा अग्रता कायम राखे । लगातार गोल गर्दै शिवसताक्षीको तर्फबाट जर्सी नं. १७ का रुपेश साम्सुहाङ्गले गोल गरे ।
खेलको ६२ औं मिनेटमा शिवसताक्षीका मनिष लिम्बुले पाँचौ गोल गर्दै कनकाई विरुद्ध फराकिलो गोलअन्तर बनाए । खेलको म्यान आफ दी म्याज विजेता टिमको पवन राई घोषित भए । उनले नगद २५००।– प्राप्त गरे ।
खेलको विजेता टिमले २ लाख २५ हजार प्राप्त गर्ने छन् भने उपविजेता टिमले नगद १ लाख २५ हजार प्राप्त गर्ने आयोजक नेपाल खेलकुद महासंघका खेल संयोजक सुनिल भेटवालले बताउनुभयो ।
मंगलबार हुने खेल गौरादह ९ र कनकाई ५ का बीच हुने आयोजक नेपाल खेलकुद महासंघले जनाएको छ ।
