कनकाई अनलाईन
सुरुङ्गा जेसिज बर्ष २०२१ को टीमले यस बर्षको जेसिज सप्ताह विविध कार्यक्रमका विच मनाएको छ ।
कनकाई नगरपालिकाका प्रमुख राजेन्द्रकुमार पोखरेलको प्रमुख आतिथ्यतामा साइकल रेस र वृक्षारोपण कार्यक्रम गरि सुरु गरिएको जेसिज सप्ताह कार्यक्रम सहारा नेपालको प्रमुख कार्यकारी अधिकृत तथा सामाजिक अभियान्ता महेन्द्र गिरीको प्रमुख आथित्यतामा उदघोषणकला कार्यक्रमका विच जेसिज भवनमा सम्पन्न भएको छ । यस विचमा कनकाई नगरपालिकाभरका मावि स्तरका विद्यालयका विच अन्तरमावि वक्तृत्वकला प्रतियोगिता महिलाहरुको स्वास्थ्य जाँच,गरिव परिवारलाई खाद्यान्न सहयोग लगायातका परोपकारी कार्यहरु गर्दै सम्पन्न भएको सुरुङ्गा जेसिजकी बर्ष २०२१ की अध्यक्ष यदुका ओली उप्रेतीले बताउँनुभयो । उदघोषणकला कार्यक्रमको प्रशिक्षण नेपालका प्रभावशाली उदघोषक सुनिल तिम्सिनाले गर्नुभएको थियो । समापन कार्यक्रममा कनकाई नगरपालिकाकी उपप्रमुख मन्जु प्रसाई, रोटरी क्लव कनकाईका अध्यक्ष सुशिल श्रेष्ठ लगायातले शुभकामना मन्तव्य दिनुभएको थियो ।
