कनकाई अनलाईन
काठमाडौं – ए डिभिजनको च्यासल युवा क्लब चौथो अन्तर्राष्ट्रिय आमन्त्रण बेलबारी गोल्डकप २०७८ को पहिलो खेलमा पराजित हुँदै बाहिरिएको छ । च्यासल झापाको रोलिङ क्लबसँग टाइब्रेकरमा ४(३ ले पराजित भएको हो ।
निर्धारित समयको खेल १(१ को बराबरीमा सकिएपछि खेल टाइब्रेकरमा पुगेको थियो । च्यासलका लागि सुशन लामाले १२ औं मिनेटमा गोल गर्दै अग्रता दिलाएका थिए । तर हेनरी बेल्लेले दोस्रो हाफको ६० औं मिनेटमा बराबरी गोल फर्काएका थिए ।
टाइब्रेकरमा रोलिङका मारदिन सेलो, जोन टुरे, रहिन बोहरा र पेमा तामाङले गोल गरेका थिए । च्यासलका लागि अजित गुरुङ, मौसा र केचा यानिकले गोल गर्दा कमल श्रेष्ठको प्रहार बाहिर तथा अरबिन राईको प्रहार गोलरक्षक मनोज प्रधानले बचाएका थिए । रोलिङका गोलरक्षक मनोज नै खेलको प्लेयर अफ द म्याच चुनिए । च्यासलका लागि इटालियन फरवार्ड विकास मेराग्लियाले सुरुवाती रोजाइमा खेलेपनि गोल गर्न सकेनन् ।
बुद्ध एयरको मुख्य प्रायोजनमा कात्तिक ११ गते सुरु हुने प्रतियोगितामा ८ टोलीको सहभागिता रहेको छ । कात्तिक १७ गते हुने प्रतियोगिताको फाइनलको विजेताले उपाधिसहित ५ लाख र दोस्रो हुने टोलीले २ लाख ५० हजार रुपैयाँ प्राप्त गर्नेछ । त्यस्तै प्रतियोगिताको सर्वोत्कृष्ट खेलाडीले ३१ हजार, सर्वाधिक गोलकर्ताले २१ हजार, विधागत उत्कृष्ट खेलाडीले समान ११ हजार तथा हरेक खेलको म्यान अफ दी म्याचले ५ हजार ५ सय रुपैयाँ प्राप्त गर्ने आयोजक क्लबले जनाएको छ ।
