कनकाई अनलाईन ।
पुर्वप्रधानमन्त्री केपी शर्मा ओलीको सिको गर्दै कनकाई नगरपालिकाका मेयर तथा प्रतिनिधिले समेत जनतासग प्रतिनिधि कार्यक्रमको सुरुवात गरेका छन ।
पुर्व प्रधानमन्त्री ओलीले यस्तो कार्यक्रम नेपाल टेलिभिजनबाट हरेक हप्ता प्रत्यक्ष प्रशारण गरिने गरिएको थियो । कनकाईको कार्यक्रम हरेक महिनाको अन्तिम विहिवार फरकफरक स्थानमा गरिने गरिएको छ । यसपटक समेत विहिवार कार्यक्रमले निरन्तरता पाएको छ ।
नगरपालिकामा गरिएको कार्यक्रममा संचारकर्मी र सर्वसाधरणको उपस्थिति रहेको थियो । आवश्यकता अनुसार यस कार्यक्रमलाई नगरपालिकाका अन्य स्थानमा समेत नियमित गरिदै लगिने कनकाई नगरपालिकाका मेयर राजेन्द्रकुमार पोखरेलले वताउँनुभयो ।
यस कार्यक्रम निर्वाचन पहिले नेकपा एमालेले हरेक महिना यसरी सार्वजनिक सरोकारको विषयमा कार्यक्रम चलाइने घोषणापत्रमै उल्लेख गरेको र सोही घोषणापत्रको कुरालाई मेयर उपमेयरले निररन्तता दिएको नेकपा एमालेका कनकाई नगर सचिव युवानेता रविन्द्र लम्सालले बताउनुभयो ।
कनकाई नगरपालिकाको कार्यलय परिसरमा सम्पन्न कार्यक्रम नगर प्रमुख राजेन्द्र कुमार पोखरेलको अध्यक्षतामा सम्पन्न भएको थियो । नगर उपप्रमुख मन्जु प्रसाईले सहभागि सबैलाई स्वागत गरेको कार्यक्रममा सम्पूर्ण वडाध्यक्षहरुको पनि उपस्थिति रहेको थियो । सहभागीहरुले सडकको समस्या समाधान गर्न पहिलो प्राथमिकता दिइनु पर्ने बताएका थिए ।
