कनकाई अनलाईन
साना किसान झापाली चिया व्यवसायी संघको तेस्रो अधिवेशनले पूर्णकुमार कार्कीको अध्यक्षतामा १३ सदस्यीय नयाँ कार्य समिति गठन गरेको छ ।
समितिको उपाध्यक्षमा पृथ्वीनारायण कार्की, सचिव पुष्प निरौला, सहसचिव ज्योति पाठक र कोषाध्यक्षमा भरत विमलीलाई सर्वसम्मत रुपमा चयन गरेको हो ।
आगामी दुई वर्षे कार्यकाल रहेको समितिका सदस्यहरुमा जयदेव राजवंशी, केदार भट्टराई, भीमप्रसाद राजवंशी, श्यामसुन्दर अग्रवाल चयन भएका छन् भने बाँकी ४ जना सदस्य कार्यसमितिले क्षेत्रगत सन्तुलनका आधारमा मनोनयन गर्ने जनाइएको छ । नव निर्वाचित अध्यक्ष कार्कीले अवको कार्यकाल किसानको पक्षमा न्यायोचित वातावरण बनाउन संगठन सुदृढीकरणमा जोड दिएर लाग्ने प्रतिबद्धता व्यक्त गरेका छन् ।
