कनकाई अनलाईन
झापा गाउँपालिकाका अध्यक्षका उम्मेद्धार गजेन्द्र ताम्ली क्याप्टेन रहेको झापा सेभेन शरणामती फुटवल टिमले हल्दीवारी गोल्डकपमा शनिवार भएको खेलमा नेपालकै चर्चित फुटवल टिम मुनाल फुटवल क्लवलाई ट्राईब्रेकरमा हराउदैँ दोस्रो चरणमा प्रवेश गरेको छ ।
निर्धारित समय समान २/२ गोलमा खेल सकिएपछि खेलको निर्णय ट्राईब्रेकरबाट गरिएको थियो ।
निर्धारित समयमा मुनालका तर्फबाट नेपालकै स्ट्रार खेलाडी कर्ण लिम्बुले एक्लै २ गोल गरेभने झापा सेभेनका तर्फबाट समेत सानुका लिम्बुले समान २ गोल गरे ।
खेलको म्यान अफ द म्याच मुनालका कर्ण लिम्बु बने । भएको पेलान्टी सुटआउटमा ५÷४ गोल अन्तरले झापा सेभेन विजयी बनेको हो । जलथल एसफीको आयोजनामा भएको सो गोल्डकपको प्रथम र दोस्रो हुने टिमले जनही १ लाख १ हजार १ सय ११ रुपैँया र ५१ हजार १ सय ११ रुपैँया पाउने छ । विजयी टिमका क्याप्टेन गजेन्द्र ताम्ली हालपनि झापा गाउँपालिकाबाट नेकपा एमालेको तर्फबाट अध्यक्षको प्रत्यासी रहेका छन् ।