कनकाई अनलाईन
काठमाडौँ मैत्रीपूर्ण अन्तर्राष्ट्रिय फुटबल खेलमा मंगलबार नेपाल र बंगलादेशबीच गोलरहित बराबरी भएको छ। बंगलादेशको बंगबन्धु रंगशालामा भएको खेलमा दुवै टोलीले गोल गर्न सकेनन्। नेपालले पछिल्ला ६ अन्तर्राष्ट्रिय खेलमा गोल गर्न सकेको छैन।
कोरोना भाइरसको विश्वव्यापी महामारीबीच अन्तर्राष्ट्रिय फुटबलमा फर्कन बंगलादेशले गरेको प्रस्ताव स्वीकार गरेर नेपाल बंगलादेश पुगेको हो। बंगलादेश भ्रमणमा नेपालले घरेलु टोलीसँग दुईवटा मैत्रीपूर्ण खेल खेल्यो।
यसअघि पहिलो मैत्रीपूर्ण खेलमा नेपाल २(० गोलले पराजित भएको थियो।
नेपालले पछिल्ला पाँच अन्तर्राष्ट्रिय खेल लगातार हारेको थियो। नेपालले अन्तिमपटक चाइनिज ताइपेईलाई हराएको थियो, गत वर्षको सेप्टेम्बरमा भएको विश्वकप छनोटको खेलमा।
