विर्तामोड , जेष्ठ १३ गते । झापा अर्जुनधारा नगरपालिका ७ का नेकपा एमालेका वडाअध्यक्षका उम्मेद्धार रमेश त्रिखत्री भोट माग्न जादा आफ्नै पुर्व एमाले कार्यकताएबाटै कुटिएका छन् ।
शनिवार उनी भोट माग्न घरदैलो गर्ने क्रममा एमालेका पुर्व कार्यकर्ता भोला पौडेलले कुटपिट गरेका हुन् । पौडेल स्थानीय अर्जुनधारा माविका शिक्षक समेत हुन् ।
उनले आफ्नो गाउँमा भोट माग्न आएको वखत पुरानो कुरा झिकेर त्रिखत्रीलाई कुटपिट गरेका थिए । यसअघि पौडेललाई पार्टी हित विपरीत कार्य गरेको भन्दै एमाले पार्टीले कार्वाही गरेको थियो , उनले कार्वाहीको वदला लिन उम्मेद्धार त्रिखत्रीलाई कुटपिट गरेका हुन् ।
पौडेलले वडासदस्यका अर्का उम्मेद्धारकमल निरौलामाथि पनि दुव्यवहार भएको नेकपा एमाले झापा जिल्ला कमिटीले जनाएको छ ।
कुटपिटमा संग्लन पौडेललाई प्रहरीले नियन्त्रणमा लिएको थियो । तर पार्टीका जिल्ला नेताहरुले प्रहरी चौकी शनिश्चरे पुगी पौडेललाई छुटाएका थिए भने उनलाई पुन पुरानै जिम्मेवारमी समेत फर्काइदिने भन्दै विवाद साम्य पारेका थिए ।
निर्वाचनको माहौल विग्रने भन्दै पौडेललाई एमालेको चुनाव प्रचारमा लाग्ने सर्तमाप्रहरीबाट छुटाएको एक एमाले नेताले बताए ।
