कनकाई अनलाईन
कनकाई । न्यून पारिश्रमिक लिएर काम गर्दै आएका बाल विकासका शिक्षक तथा विद्यालयका कर्मचारीहरुलाई सरकारवाट अन्याय भएको भन्दै नेपाल विद्यालय कर्मचारी परिषद् र बाल शिक्षक संघर्ष समिति कनकाईले वुधबार स्थानीय सरकारको कार्यालय, कनकाई नगरपालिकामा ज्ञापन पत्र बुझाएका छन् ।
एउटै समयमा एकैसाथ विद्यालयमा काम गर्ने शिक्षक कर्मचारीहरु वीचको सेवा सुविधामा फरक भएको भन्दै स्थानीय सरकारका प्रमुख राजेन्द्र पोखरेलको ध्यानाकर्षण गराउँदै परिषद् र बाल शिक्षक संघर्ष समितिले संयुक्तरुपमा ज्ञापन पत्र वुझाएका हुन् ।
विभेदकारी शिक्षा नीतिको सेवा सुविधामा रहेर आफूहरु काम गर्न नसक्ने जानकारी गराउँदै बाल शिक्षक संघर्ष समिति कनकाईका अध्यक्ष टिकामाया गिरीले ज्ञापन पत्र वाचन गरी नगरप्रमुख पोखरेललाई बुझाएकी हुन् ।
त्यस्तै नेपाल विद्यालय कर्मचारी परिषद्का तर्फवाट जिल्ला सदस्य कल्याण राजवंशीले माग पूरा नभए आन्दोलनमा जाने तयारी भएको जानकारी गराउँदै चरणवद्ध आन्दोलनका कार्यक्रमसहितको ज्ञापनपत्र नगरप्रमुख पोखरेललाई बुझाएका छन् ।
ज्ञापन पत्र वुझ्दै नगरप्रमुख पोखरेलले कनकाई नगरमा रहेका सम्पूर्ण विद्यालय, शिक्षक, कर्मचारीहरुका समस्या समाधानका लागि स्थानीय सरकारले गर्न सक्ने सम्मका कामहरु कार्यपालिका वैठकमा राखेर समाधानका लागि पहल गर्ने आश्वासन दिए ।
समस्या समाधानका बारेमा आफू सकारात्मक रहेको भन्दै नगरप्रमुख पोखरेलले स्थानीय सरकारवाट सम्भव नभएका समस्याहरुलाई केन्द्र सरकारसँग समेत अनुरोध गर्ने आश्वासन दिए ।
आफूले सस्तो लोकप्रियताका लागि ताली बजाउँने किसिमको कुरा मात्र नबोल्ने स्पष्ट पार्दै नगरप्रमुख पोखरेलले विभेदकारी शिक्षा नीति आफ्नो चाहाना नभएको बताए ।
Trending
- झापामा धमाधम हात्तीपाईका र रोगी फेला पर्दै
- झापामा एक बर्षमा १४१ बर्ष कैद सजाय
- कनकाई माविको पिडा मालपोत तिर्न १० लाख बाकी जग्गा कमाउनेले दिदैनन एक गेडा मकै
- सवारी दुर्घटना बढेपछि स्कुल चालकलाई तालिम
- ट्रयाक्टरको ठक्करबाट मोटरसाइकल चालकको मृत्यु
- निर्वाचनबाटै बिद्यालयमा उम्मेदवार छनौट गर्दै बिद्योदय अङ्ग्रेजी माबि
- वाइसीएलको जिल्ला भेला सम्पन्न, डेबिट शाहीको नेतृत्वमा नयाँ समिति चयन
- च्यालेन्ज कपको उपाधि बिर्तामोडलाई एन्जिलालाई सम्मान