कनकाई अनलाईन
आफ्ना नागरिकको उपचार तथा खाद्यान्न सहयोगका लागि स्थापना गरिएको कनकाई कोरोना राहत कोषमा कनकाई नगरकी शिक्षासेवी चम्पा खनाल सुवेदीले नगद ३१ हजार रुपैँया सहयोग गर्नुभएको छ ।
प्यारागन एकाडेमीकी अध्यक्ष तथा कनकाई नगर सहकारी समन्वय समिति समेतकी अध्यक्ष रहनुभएकी खनालले उक्त रकम कनकाई नगरपालिकाका प्रमुख राजेन्द्रकुमार पोखरेललाई नगरपालिकामा आयोजित विशेष कार्यक्रमका विच हस्तानतरण गर्नुभएको हो ।
कनकाई नगरपालिकाद्धारा स्थापित यस कोषमा हालसम्म ६५ लाख वढी रकम संकलन भइसकेको छ भने कनकाई नगरपालिकाभर पहिलो चरणको राहत वितरण सकाएर दोस्रो चरणको राहत सुरु गरिसकिएको छ ।
यस कोषमा थप सहयोग गरि महाविपत्तीमा सहयोग गर्न नगरपालिकाले सम्पुर्ण संघ संस्था, उद्योगी व्यापारी व्यावसायी स्वदेश तथा विदेशमा रहनुहुने नेपाली दाजुभाई दिदिबहिनीसमक्ष अनुरोध समेत गरेको छ ।
रकम जम्मा गर्नका लागि कनकाई नगरपालिकाको कनकाई नगर विपत व्यावस्थापन कोषको नेपाल बैँकको खाता नम्बर १४७०३००००००००५००४००२ मा जम्मा गरिदिन समेत अनुरोध गरेको छ ।
