कनकाई अनलाईन
झापाामा आइतबार दुर्घटनामा एक जनाको मृत्यु भएको छ ।
झापाको कनकाई नगरपालिका–३ पश्चिम स्टेनमा मोटरसाइकलको ठक्करबाट पैदय यात्री कनकाई–४ कोटिहोमका करिब ९० वर्षीय ज्येष्ठ नागरिक इन्द्रप्रसाद न्यौपानको मृत्यु भएको जिल्ला प्रहरी कार्यालय झापाका प्रहरी नायब उपरीक्षक महेन्द्रकुमार श्रेष्ठले जानकारी दिनुभयो ।
पूर्व–पश्चिम राजमार्ग अन्तरगत पूर्वबाट पश्चिमतर्फ जाँदै गरेको को १४ प ९२७४ नम्बरको मोटरसाइकलले न्यौपानेलाई ठक्कर दिएको थियो । ठक्करबाट गम्भीर घाइते भएका न्यौपानेको उपचारको क्रममा बिर्तामोडस्थित बिएण्डसी हस्पिटलमा मृत्यु भएको हो ।
मोटरसाइकल चालक कनकाई–६ का १९ वर्षीय पवन सेन्चुरीलाई इलाका प्रहरी कार्यालय सुरुङ्गामा नियन्त्रणमा राखिएको छ भने घटनाको थप अनुसन्धान भइरहेको प्रहरीले जनाएको छ ।
