बिर्तामोड । पूर्वपश्चिम राजमार्गअन्तर्गत झापाको कनकाई नगरपालिका-१ जुके कल्भर्टमा शुक्रबार साँझ बसले मोटरसाइकललाई ठक्कर दिँदा एकजनाको मृत्यु भएको छ ।
मृत्यु हुनेमा बिर्तामोड नगरपालिका-१ निवासी ३२ वर्षीय विनोद प्रसाईं छन् ।
पूर्वबाट पश्चिम जाँदै गरेको को. १ ख ४१४५ नम्बरको बसले विपरीत दिशाबाट आइरहेको को. २८ प ६७१७ नम्बरको मोटरसाइकललाई ठक्कर दिँदा चालक प्रसाईं गम्भीर घाइते भएका थिए ।
बिर्तामोडस्थित बिएन्डसी हस्पिटलमा उपचारका क्रममा उनको मृत्यु भएको इलाका प्रहरी कार्यालय बिर्तामोडका प्रमुख डिएसपी केशव थेवेले जानकारी दिए ।
ठक्कर दिने बस र चालक प्रहरीको नियन्त्रणमा रहेको जनाइएको छ ।
