कनकाई अनलाईन
श्रीमतीको हत्या गरेको आरोपमा प्रहरीले कनकाई नगरपालिका–८ बिरिङ पुल नजिकैका ४५ वर्षीय आइतराज परियारलाई पक्राउ गरेको छ । कात्तिक ३ गते दिउँसो परियारकी श्रीमती माया घरमै मृत फेला परेकी थिइन् । घटनापछि स्थानीयले प्रहरीलाई खबर गरेका थिए।
प्रहरी घटनास्थल पुग्दा आइतराज फेला नपरेपछि प्रहरी खोजी सुरु गरेको थियो । उनलाई इलामको दानाबारीबाट पक्राउ गरिएको जिल्ला प्रहरी कार्यालय झापाका प्रहरी नायब उपरीक्षक जितेन्द्रकुमार बस्नेतले जानकारी दिए।
‘पक्राउ परेका आइतराजले श्रीमतीको हत्या गरेको स्वीकारेका छन्’, बस्नेतले भने, ‘उनलाई कर्तव्य ज्यान मुद्दामा म्याद थप गरी अनुसन्धान सुरु गरिएको छ ।’
