कनकाई अनलाईन
बुबाको मुख हेर्ने दिनको अवशरमा झापा कनकाई नगरपालिका २ र ३ नम्बर क्षेत्रका ८० बर्षमाथिका १२ जना पितालाई सम्मान गरिएको छ ।
जेष्ठ नागरिक कनकाई २ र ३ नम्बर वार्डसमितिद्धारा कनकाई सामुदायिक वनको सभाहलमा आयोजित विशेष कार्यक्रममा यस क्षेत्रका बृद्ध पिताहरु वार्ड नम्बर ३ का पदमलाल फुयाल , शिवप्रसाद चापागाई , मुक्ति प्रसाद पौडेल , कृष्णप्रसाद उप्रेती , जीतबहादुर सुन्दास र कीर्तिमान थेबेलाई सम्मान गरिएको थियो भने बार्ड नम्बर २ बाट गंगाबहादुर राई , प्रेमबहादुर खत्री , कृष्णकुमार राई , पदम बहादुर सेलवाल , डिल्लीराम पौडेल , र रामचन्द्र काफ्ले रहनुभएको छ ।
उहाहरुलाई जेष्ठ नागरिक समाजका नगर अध्यक्ष डिल्लीराम बाह्रकोटी , कनकाई २ का वडाध्यक्ष परशुराम गिरी , ३ का वडाध्यक्ष रुद्रप्रसाद चिमरिया , जामुनवारी सामुदायिक वन तथा सिमसारका अध्यक्ष ख्याम सिटौला , कवि साहित्यकार मित्रप्रसाद दाहाल , ज्ञानराज सुवेदी , साई भजन समुहकी अध्यक्ष लक्ष्मी कोइराला , कनकाई सामुदायिक वनका उपाध्यक्ष ललित बहादुर कार्की लगायातले दोसल्ला खानेकुरा लगायातका सामाग्रीले सम्मानित गर्नुभयो । कार्यक्रमको संचालन सोभा भण्डारीले गर्नुभएको थियो भने स्वागत २ नम्बर वार्डका अध्यक्ष कपिल सिटौला र अध्यक्षता ३ का अध्यक्ष दधिराम भट्टराइले गर्नुभएको थियो ।