कनकाई अनलाईन
पूर्वपश्चिम राजमार्गस्थित कनकाई नगरपालिका १ जुकेकल्भर्टमा बाटो काट्ने क्रममा मोटरसाईकलको ठक्करबाट घाईते भएकी एक महिलाको उपचारका क्रममा मंगलवार दिउसो बिर्तासिटी अस्पतालमा मृत्यु भएको छ ।
कनकाई १ जुकेकल्भर्टमा बाटोकाटनेक्रममा गत बिहीवार विहान साढे ९ बजे को ३८ प ५३६८ नम्बरको मोटरसाईकले स्थानीय ४१ बर्षिय उमा चापागाई घाईते हुनुभएको थियो ।
घाईते चापागाईको उपचारका क्रममा बिर्तासिटी अस्पताल बिर्तामोडमा मंगलवार दिउसो साढे ३ बजे निधन भएको प्रहरीले जनाएको छ । ठक्कर दिने चालक र मोटरसाईकललाई प्रहरीले नियन्त्रणमा लिएको छ ।
मृतक हुने उमा कनकाई नगरपालिका अगाडि अन्जु कार्कीको होटलमा सहयोगीका रुपमा कार्य गर्दै आउनु भएको थियो । उहाँको श्रीमानले समेत ३ बर्ष पहिले आत्महत्या गर्नुभएको थियो भने उहाँका एक २२ बर्षिय छोरा रहेको स्थानीय लेखनाथ कोइरालाले कनकाई अनलाईनलाई बताउँनुभयो । हाल मृतक चापागाईको शवलाई पोस्ट म्याटमका लागि भद्रपुर लगिएको प्रहरीले जनाएको छ ।
