कनकाई अनलाईन
झापाको दमक नगरपालिका ८ मा घुँगी टिप्न गएका एक व्यक्तिको रतुवा खोलाले बगाएर मृत्यु भएको छ ।
बुधवार दिउँसो अन्दाजी ४.४० बजेको समयमा दमक नगरपालिका वडा न.८ मा रहेको रतुवा खोलामा घुँगी टिप्न खोलामा पसेका शिवसताक्षी ३ घर भई हाल दमक ८ गंगा शिवाकोटीको घरमा डेरा गरी बस्ने ३६ वर्षीय राजु मण्डललाई खोलाले बगाएर बेपत्ता बनाएको थियो ।
संगै घुँगी खोज्न गएका साथी दमक ८ बस्ने बर्ष अन्दाजी ४०–४२ का तिलक बुढाथोकीले इलाका प्रहरी कार्यालय दमकमा जानकारी गराउनासाथ इलाका प्रहरी कार्यालय दमक र सशस्त्र प्रहरी बल पाडाजुँगीबाट खटिएको संयुक्त टोलीले खोजतलास गर्ने क्रममा बिहिवार बिहान ९ः२० बजे दमक नगरपालिका वडा नम्बर ८ र १० छुट्याउने दिपिनी र रतुवा खोलामा जोडिने दोभानमा उनी मृत अवस्थामा फेला परेका थिए ।
मण्डलको शवको सम्पूर्ण कानुनी प्रकृया पुरा गरी पास्टमार्टमको लागि दमक अस्पताल दमकमा पठाइएको जिल्ला प्रहरी कार्यालय झापाले जनाएको छ ।
