कनकाई अनलाईन
झापा शिवसताक्षी नगरपालिका ७ लालपानीका २१ बर्षिय मुकेश ढकालको गर्मी छल्न खोलामा पौडी खेल्न जादा आज डुबेर मृत्यु भएको छ ।
झापा र इलामको सिमा स्थित इलाम माई नगरपालिका २ चेप्टीस्थित कनकाई माई खोलामा आफ्ना साथीहरुका साथमा पौडी खेल्न कनकाई माईमा शुक्रवार दिउसो १२ बजेतिर पौडी खेल्न पसेका ढकाल खोलाको दलदले भासमा परेर हराएका थिए । उनको प्रहरी र स्थानीयवाशीको सहयोगमा खोजीगर्दा केहि पर शुक्रवार २ बजेको समयमा ढकालको मृत शरिर निकालेको प्रहरी चौकी दानावारीका प्रमुख प्रहरी नायव निरिक्षक कैलास केसीले बताउँनुभयो । मृतकको शव अहिले मुचुल्का बनाएर पोस्ट म्याटमका लागि लैजाने तयारी थालेको प्रहरीले जनाएको छ। मुकेशको आफन्तको घर समेत चेप्टीमै रहेकोले उनी आफन्त साथीहरुसग मिलेर पौडी खेल्न खोलामा पसेका थिए ।