कनकाई अनलाईन
कनकाई र झापाको कनकाईबाट प्रतिबन्धित लागुऔषधसहित एकजनालाई प्रहरिले पक्राउ गरेको छ ।
बिहिवार राति ८ः४५ बजेको समयमा पूर्वपश्चिम राजमार्ग अन्तरगत कनकाई ४ कनकाई पुलछेउबाट प्रतिबन्धित लागुऔषधसहित दमक १ बस्ने २७ वर्षीय छङ राईलाई पक्राउ गरेको हो ।
बिर्तामोडबाट दमकतर्फ जाँदै गरेको मे। १० प ३२७६ नम्बरको मोटरसाइकललाई ट्राफिक प्रहरी कार्यालय झापाका प्र।नि। नवराज न्यौपाने र इलाका प्रहरि कार्यलय सुरुङगाका बरिस्ठ प्रहरी नायव निरिक्षक प्रबिण कुमार भट्टराईको कमाण्डमा खटिएको संयुक्त प्रहरी टोलीले शंका लागि चेक जाँच गर्ने क्रममा लागुऔषध फेला परेको वताइएको छ ।
उनले पछाडि बोकेको कालो झोलाभित्र कालो प्लास्टिकमा एबोट ४९ एम्पुल, डाइजापाम ४९ द्धढ एम्पुल, नाम नलुखेको लागूऔषध ४९ एम्पुल, लुपिजेसिक २ एमएल लेखेको स्टिकर ७० थान, रेडमी मोबाइल थान एक र नगद ६ हजार २०० भेटिएको प्रहरिले जनाएको छ ।
प्रहरीले उनलाई मोटरसाइकलसहित नियन्त्रणमा लिई इलाका प्रहरी कार्यालय अनारमनीमा राखेर अनुसन्धान गरिरहेको जिल्ला प्रहरी कार्यालय झापाले जनाएको छ ।
