कनकाई अनलाईन
झापाको शिवसताक्षी नगरपालिका १ स्थित धरमपुरमा बसको ठक्करबाट एक मोटरसाइकल चालकको मृत्यु भएको छ ।
शुक्रवार साँझ ५ बजे शिवसताक्षी १ धरमपुरस्थित पूर्व पश्चिम राजमार्गमा पश्चिमबाट पूर्वतर्फ आउँदै गरेको मे १ ख २५४७ नं को बसले विपरित दिशाबाट जाँदै गरेको मे १० प ७७५८ नं को मोटरसाइकललाई ठक्कर दिएको थियो ।
ठक्करबाट मोटरसाइकल चालक शिवसताक्षी ११ बस्ने ३२ वर्षीय राहुल थापा मगर घाइते भएकोमा घाइतेलाई उपचारका लागि बीएण्डसी हस्पिटल बिर्तामोड ल्याउँदै गर्दा बाटैमा मृत्यु भएको जिल्ला ट्राफिक प्रहरी कार्यालय बिर्तामोडले जनाएको छ । बस तथा बस तथा बस चालक बुद्धशान्ति ४ बस्ने ५१ वर्षीय हेमबहादुर बिकलाई इलाका प्रहरी कार्यालय झिलझिलेले नियन्त्रणमा लिएको छ ।
