कनकाई अनलाईन
झापाको दोमुखामा पिकनिक खाएर फर्किँदै गरेको औषधि व्यवसायी सवार बस शिवसताक्षी नगरपालिका १० माइधारमा दुर्घटना भएको छ । दुर्घटनामा परी १४ जना गाडीमा सवार घाईते बनेको जिल्ला प्रहरी कार्यालय झापाले जनाएको छ ।
घाइतेहरूको उलार्बारीस्थित अरनिको अस्पतालमा उपचार भइरहेको छ । औषधि व्यवसायीहरू पिकनिक खाएर फर्किँदै गरेको को १ ख ६३०५ नम्बर बस शनिवार दिउसो साढे ४ बजे दुर्घटना भएको जिल्ला प्रहरी कार्यालय झापाका प्रहरी निरीक्षक ढुण्डिराज गिरीले जानकारी दिनुभयो । बस पल्टिएर राजमार्गदेखि तल खसेको थियो । घाइतेहरूको नामावली आउन बाँकी रहेको प्रहरी निरीक्षक गिरीले बताउँनुभयो । घाइतेहरूमा मोरङ उर्लावारी नगरपालिका ६ का ४६ बर्षिय ताराप्रसाद अधिकारी, निजकी श्रीमती ४३ बर्षिय उमा खनाल, उर्लावारी नगरपालिका ६ का ५५ बर्षिय बहादुर चौधरी निजकी श्रीमती पवित्रा लामिछाने, सोही स्थानकी ३० बर्षिय कल्पना कडेँल, यसैगरि उर्लावारी नगरपालिका ४ बस्ने बर्ष ३६ की बन्दना प्रसाई, सोही स्थानका २५ बर्षिय महेस नाथ लगायात घाईते भएको र उनीहरुको अवस्था सामान्य रहेको प्रहरीको भनाई रहेको छ ।
