कनकाई अनलाईन
झापाको कनकाई नगरपालिकाका विभिन्न स्थानमा एकाबिहानै चोरी भएको छ। कनकाई नगरपालिका १ जामुनबारीमा स्थानीय सुलोचना ओलीको घरबाट लक्ष्मीपुजा पुजेको गाग्रो र अर्का कनकाई नगरपालिका ७ कालीमोडाका गंगा प्रसाद पाठकको मोबाइल चोरी भएको हो।
चोरी भएको थाहा पाउन साथ पाठकले चोरलाई पछ्याएर सामान्य धुलाई दिई आफ्नो मोबाइल भने हात पारेका छन् । स्थानीय सुलोचना ओलीका अनुसार चोरी गर्ने महिला अन्दाजी ४० वर्षको रहेको र उक्त महिलाहरुको चोरी ग्याङ् समेत हुन सक्ने बताइएको छ। चोरीमा समलग्न महिलालाई चोरी गरिएको गाग्रो सहित इलाका प्रहरी कार्यालय सुरुङ्गाले नियन्त्रणमा लिई थप अनुसन्धान अघि बढाएको छ। कनकाई नगरपालिकामा पछिल्लो समय विद्युतीय ट्रान्समिटर चोरी भएको थियो।
