महेन्द्र कन्दङ्वा
संघीय लोकतान्त्रिक राष्ट्रिय मञ्च आवद्ध लिम्बुवान भोलेन्टिर्यसको आयोजनामा आधुनिक लिम्बुवानी सहिद राजकुमार आङ्देम्बे “माङ्तोक“ को १६ औं स्मृति दिवस तथा श्रद्धाञ्जली कार्यक्रम लिम्बुवान भोलेन्टिर्यस केन्द्रिय कमान्डर श्री थाङ्साङ लावतीज्यूको अध्यक्षतामा माङ्तोकको समाधी स्थलमा मनाइएको छ ।
उक्त कार्यक्रममा प्रमुख अतिथी संघीय लोकतान्त्रिक राष्ट्रिय मञ्चका केन्द्रिय वरिष्ठ उपाध्यक्ष श्री ज्ञानु इङ्बुङ हुनुहुन्थ्यो भने अतिथिहरुमा श्री धुर्ब लावती, श्री सूर्य याक्पाङ्देन,श्री बलनाथ नाल्बो, त्यसै गरि किराँत याक्थुङ चुम्लुङ झापा जिल्ला अध्यक्ष श्री सेसेहाङ फ्याक,संघीय लोकतान्त्रिक राष्ट्रिय मञ्च झापा जिल्ला अध्यक्ष श्री राजा आङ्थुपो हुनुहुन्थ्यो । यस कार्यक्रममा सम्पूर्णले अतिथिहरुले लिम्बुवानी सहिद माङ्तोकज्यूको योगदानलाई कहिल्यै नबिर्सने भन्र्दै उहाँको लिम्बुवान प्राप्तिको सपना पूरा गरेरै छाड्ने बाचा गरिएको थियो ।
स्मृति दिवश कार्यक्रमको सञ्चालक लिम्बुवान भोलेन्टियर्स प्रबक्ता काजिमान ओख्राबोले गरेका थिए भने स्वागत मन्तव्य श्री मोन्देम लिम्बुले राखेका थिए । कार्यक्रममा सहिदका परिवारजनहरुको पनि उपस्थिति रहेको थियो । 
