कनकाई अनलाईन
झापाको माइधारमा बिहिवार बिहान भएको सवारी दुर्घटनामा एक जनाको मृत्यु भएको छ भने दुई जना गम्भीर घाइते भएका छन् । पूर्वपश्चिम राजमार्ग अन्तर्गत माइधारमा भएको दुर्घटनामा स्कुटरमा सवार तीन जना गम्भीर घाइते एक जनाको बिर्तामोडस्थित बीएण्डसी अस्पतालमा उपचारको क्रममा मृत्यु भएको जिल्ला ट्राफिक प्रहरी कार्यालय झापाले जनाएको छ ।
तीनै जना पुरुष रहेको बताइएको छ भने मृत्यु हुनेमा झापा गाउँपालिका ३ सिमलवारी बस्ने बर्ष २० का भवेश श्रेष्ठ रहेका छन । भने घाईतेहरु झापा गाउँपालिका २ का १८ बर्षिय सुशान्त थापा र झापा गाउँपालिका ७ बस्ने बर्ष १७ का निशान शिवाकोटी रहेका छन । उनीहरुको उपचार भइरहृेको छ ।
पश्चिमबाट पूर्व तर्फ आउँदै गरेको प्रदेश १–०१–०१६ प ४२८८ नम्बरको स्कुटर र पश्चिम तर्फ जाँदै गरेको एनएमसी डेरीको दुध बोकेको मे १ च ५८६८ सवारी एकआपसमा ठक्कर खाँदा स्कुटरमा सवार तीन जना घाइते भएका थिए । उनीहरू कसैको परिचय खुल्न नसकेको ट्राफिक प्रहरीले जनाएको छ । दुर्घटना आज बिहान ३ बजेको समयमा भएको हो ।
